Planetimiz 10 saniyə oksigensiz qalsa, başımıza nələr gələr? - Maraqlı faktlar
11:43 / 23.11.2021
629
Oksigen, yer üzündəki hər bir canlı üçün həyatda
qalmasını təmin edən əsas maddədir. Bu maddənin 10 saniyə olmaması kifayət edir
ki, canlı ələm üçün ciddi problemlər, fəlakətlər yaransın.
Sfera.az canlı aləmin var olması ilə bağlı
aparılan araşdırmalara istinadən bildirir ki, insanların, heyvanların və bitkilərin
yaşaması üçün ən zəruri maddələr su, oksigen və qidadır. Canlılar oksigensiz 10
saniyə qala bilməz. Çox qısa bir zaman kimi səslənsə belə, 10 saniyə oksigen
olmasa, dünyada böyük fəlakətlər baş verəcək.
İlk baxışdan oksigenin 10 saniyə ərzində yoxa
çıxması insanlar üçün elə də böyük təhlükə yaratmır. Lakin nəzərə alın ki,
oksigen olmasa, bədənimizin 60 faizi mövcud olmayacaq. Bundan əlavə, dünyada
baş verəcək hadisələrə görə də insanların həyatda qalması mümkün deyil.
Əgər oksigen qısa müddətə yox olarsa, dənizlər,
okeanlar, göllər, çaylar da daxil olmaqla bütün sular dərhal yox olacaq.
Hidrogen ən yüngül element olduğu üçün uçacaq və bir daha geri dönməyəcək.
Oksigensiz bir dünyada baş verəcək digər fəlakətlər
bunlardır:
- Yaşadığımız bütün binalar toza çevriləcək.
Çünki betonun əsas komponentlərindən biri oksigendir;
- Hər kəsin daxili qulağı dəhşətli dərəcədə
partlayacaq. Çünki atmosfer təzyiqi 21 faiz azalacaq;
- Günəşdən gələn işıq havadakı hissəciklər
vasitəsilə səpilir. Oksigenin yoxluğu atmosferin 21 faizini məhv edəcək və həmin
hissəciklərin sayı 20 faiz azalacaq. Bu səbəbdən hava daha qaranlıq olacaq;
- Dünyada havaya qalxmağa hazırlanan bütün təyyarələr
yerə düşəcək və havadakı təyyarələr bu 10 saniyə ərzində havada süzüləcək;
- Yer mantiyasının və səthinin 45 faizi
oksigendən ibarət olduğundan, biz yüksəklikdən sürətlə enəcəyik;
- Oksigenin yoxluğu yer qabığında qəfil
parçalanma yaradacaq;
Vasif
