Azərbaycanda pensiya xərclərinin xüsusi çəkisi azalacaq
İqtisadiyyat
12:55 / 06.11.2021
1139
Pensiya xərclərinin qiymətləndirilməsi zamanı onların ÜDM-dəki xüsusi çəki göstəricisi də nəzərə alınmalıdır.
Sfera.az bildirir ki, 2020-ci ildə pensiyaların ödənilməsi xərclərinin ÜDM-ə nisbəti 6,2% olub. 2021-ci ilin sonunda bu göstərici 5,8%, növbəti ildə isə 5,7% olacağı proqnozlaşdırılır. 2020-ci illə müqayisədə cari və növbəti ildə xərclərin ÜDM-ə nisbətinin aşağı düşməsi ÜDM-in artım tempinin pensiyaların ödənilməsi üzrə xərclərin artım tempini üstələməsi ilə əlaqədardır.
Qeyd edək ki, Azərbaycan pensiya xərclərinin ÜDM-yə nisbətinin səviyyəsi Avropa İttifaqındakı orta göstəricidən aşağıdır. Avropa İttifaqında orta göstərici 10 faizdir. O cümlədən, Polşada 11,1 faiz, Sloveniyada 11 faiz, Slovakiyada 8,3 faizdir. Keçmiş sovet respublikalarından olan Baltikyanı ölkələrdə 6,8-7,8 faiz səviyyəsindədir.
Xərclərin ÜDM-yə nisbətinin aşağı olması xərclərin maliyyələşdirilməsi imkanlarını asanlaşdırır və maliyyə təminatı ilə riskləri aradan qaldırır.
Vasif
Sfera.az
