Rusiya hava limanında terror həyəcanı yaşandı
20:14 / 05.07.2016
2039
Sankt-Peterburqdakı "Pulkovo" hava limanında üzərində bomba olduğu deyən bir nəfər saxlanılıb.
Sfera.az-ın məlumatına görə, saxlanılan şəxs Çelyabinsk sakini olub.
Nəqliyyat polis idarəsinin əməkdaşlarının
verdiyi məlumata görə, "Pulkovo" hava limanında bir nəfər əl
baqajının yoxlanılması zamanı ucadan qışqırıb ki, onun yükündə partlayıcı qurğu
var.
"Əslində, kişi bilirdi ki, onun çantasında
heç bir təhlükəli əşya yoxdur", - deyə polis əməkdaşı qeyd edib.
Hadisə yeri dərhal mühasirəyə alınıb və əraziyə
polis əməkdaşları tərəfindən xidməti itlər gətirilib. Araşdırmalar nəticəsində
şübhəli bilinən şəxsin üzərindən, eləcə də baqajından heç bir partlayıcı əşya
aşkar olunmayıb.
Hadisə ilə bağlı Çelyabinsk sakini həbs olunub.
Onun barəsində Rusiya Federasiyasının 207-ci maddəsi ilə (terror aktı barədə
bilə-bilə yanlış məlumat vermək) cinayət işi açılıb. Onu 3 ilədək azadlıqdan
məhrum olma gözləyir.
