“Nədənsə Avropa rəsmi Bakıdan Ermənistana xoş jest gözləyir, halbuki...” – Qabil Hüseynli
13:30 / 29.09.2021
1150
"France-24”
televizya kanalının jurnalistinin Prezident İlham Əliyevə ünvanladığı "xoşməramlı
jest kimi hərbi əsirləri Ermənistanla mübadilə etməyə hazırsınızmı?” sual məqsədli
və provokativ sualdır. Mahiyyət etibarilə bu gün Avropada yaxşı bilirlər ki, Azərbaycanda
Ermənistana məxsus hərbi əsir yoxdur. Həbs edilən şəxslər birmənalı olaraq
diversantdır”.
Bu sözləri
Sfera.az-a açıqlamasında politoloq Qabil Hüseynli sentyabrın 28-də Azərbaycan
Respublikasının Prezidenti İlham Əliyevin Fransanın "France-24” televiziya
kanalına müsahibəsini şərh edərkən deyib.
Onun sözlərinə
görə, ilk dəfə deyil ki, Prezident İlham Əliyev Qərb mediasına müsahibə verir və
bu kimi təxribat xarakterli sualları cavablayır:
"Ermənilər
hələ 19-cu əsrdən etibarən Qərb media qurumlarına sızaraq maliyyə hesabına onlara
təsir edir, öz kampaniyaları üçün istifadə edirlər. Bu gün də biz bu ənənənin
davam edildiyini görürük. Prezident İlham Əliyevin Fransanın "France-24”
televiziya kanalına müsahibəsi zamanı jurnalistin israrla mövzunu Azərbaycanda
saxlanılan diversantlara gətirməsi və yenə israrla onları "hərbi əsir”
adlandırması bunu sübut edir.
Turan Rzayev
