"Hazırda ərazilərimizdə yaşayan ermənilər seçim etməli olacaqlar" - Razi Nurullayev

 

Sfera.az bildirir ki, bunu Milli Məclisin deputatı Razi Nurullayev deyib. O, hələ tam aydınlaşmayan məsələlərin olduğunu qeyd edib:

 

"Rus sülhməramlılarının nəzarətində olan bəzi ərazilər var. Amma 44 gün ərzində Qarabağın işğal nəticəsində itirilən torpaqları azad edilib. Biz axı Lələtəpənin azad edilməsini illərlə bayram etmişdik. Necə olur ki, bu boyda ərazinin azad edilməsinə mız qoya bilirik?  Xankəndi də Azərbaycandır. Sadəcə indi sülhməramlıların nəzarətində olan ərazilərdə də iki yüz əvvəl ora köçürülən ermənilər yaşayırdı”.

 

Deputat bildirib ki, hazırda ərazilərimizdə yaşayan ermənilər də seçim etməli olacaqlar:

 

"Ya Azərbaycan vətəndaşlığını qəbul edib bizim pasportumuzla yaşayacaqlar, ya da çıxıb Ermənistana gedəcəklər. Bir az da səbr edək. İndi isə torpaqları azad edən, bu sevinci bizə yaşadan müharibə iştirakçılarının, əsgər və zabitllərimizin, şəhid ailələrinin qeydinə qalmalıyıq. Bu gün hələ də qapısı döyülməyən, diqqətə, qayğıya, işə ehtiyacı olan müharibə iştirakçıları var. Səfərbər olub onlara kömək olmaq, diqqətdə saxlamaq vacibdir”.