“İrandan ehtiyat edənlər unudur ki...” – Abdullah Ağar
16:05 / 20.09.2021
1074
"İranın
Azərbaycanla sərhəddə hərbi təlimlərə start verməsi bu ölkənin bir müddət öncə
Azərbaycan, Türkiyə və Pakistan Respublikalarının iştirakı ilə Bakıda keçirilən
"Üç qardaş - 2021” beynəlxalq təlimindən narahat olduğunu göstərir”.
Bu
sözləri Sfera.az-a açıqlamasında Türkiyənin terror və təhlükəsizlik üzrə
eksperti Abdullah Ağar İranın Azərbaycan ilə sərhəddə, Culfa-Aslandüz-Muğan
istiqamətində hərbi təlimlərə start verməsini şərh edərkən deyib.
Onun
sözlərinə İranın İkinci Qarabağ müharibəsi zamanı atdığı addımlar həm Azərbaycanda,
həm də Türkiyədə diqqətlə izlənilirdi:
"Təəssüf
ki, müharibə günlərində rəsmi Tehran Ermənistana kifayət qədər yardım etdi.
Bütün bunlara baxmayaraq, müharibədən sonra rəsmi Bakı Ankara ilə birlikdə
regionda 6 region ölkəsinin iştirakı ilə qurulacaq bir platformanın anonsunu
verdilər. Ancaq nədənsə İran bu məsələyə fokslanmaq yerinə Türkiyə və Azərbaycandan
özünə qarşı təhdid gözləyir.
Bu
gün İran Azərbaycanla sərhəddə hərbi təlimlər keçirir. Hər halda hər bir ölkə
öz ərazisində vaxtaşırı bu kimi təlimlər keçirir və keçirə bilər. Buna heç bir
ölkə irad bildirə bilməz. Misal üçün, 44 günlük müharibədən sonra Azərbaycan
işğaldan azad edilən Laçında Türkiyə ilə birlikdə hərbi təlimlər keçirdi.
Bundan başqa, Bakıda keçirilən "Üç qardaş - 2021” beynəlxalq təlimi, Xəzər dənizində
keçirilən Türkiyə-Azərbaycan təlimi də rəsmi Bakının öz torpaqlarında keçirdiyi
hərbi təlimlərdir".
"Azərbaycan
və Türkiyə başqa ölkələrin öz ərazilərində keçirdiyi hərbi təlimlərdən narahat
deyil. Lakin görünür, İran keçirilən hərbi təlimlərdən olduqca narahatdır.
Xüsusilə də Azərbaycan, Türkiyə və Pakistan Respublikalarının iştirakı ilə
Bakıda keçirilən "Üç qardaş - 2021” beynəlxalq təlimindən. Pakistan,
Türkiyə, Azərbaycan İranın 3 sərhəd qonşusudur. Görünür, rəsmi Tehran belə bir
təlimi özünə hesablanmış zənn edir. Lakin bunlar boş və əsassız düşüncələrdir.
Çünki nə Azərbaycanın, nə Türkiyənin, nə də Pakistanın İrana qarşı heç bir mənfi
düşüncəsi yoxdur. Hər halda belə bir düşüncəsi olan ölkələr dəfələrlə İranın da
daxil olacağı 6-lıq regional platformadan bəhs etməzdi. Yaxşı olardı ki, İran
da bu düşüncələrə fokuslanıb əsassız iddialarla gərginliyi artırmasın” – deyə o
bildirib.
Ağar
qeyd edib ki, rəsmi Tehran bu gün regionda şiə ideologiyası hesabına genişlənməyi
planlayır:
Turan
Rzayev
