Ermənistan mediası Gorus-Qafan yolundan yazdı: "Hərəkət iflic vəziyyətdədir"
Siyasət
14:06 / 16.09.2021
1472
Xəbər verdiyimiz kimi, Gorus-Qafan yolunun Azərbaycan ərazisindən keçən hissəsində yerləşdirilmiş polis və gömrükçülər İranın yük maşınları ilə yanaşı, həmin ölkədən gələn avtobusları da yoxlamağa başlayıblar. Bu gün isə Ermənistanın Milli Təhlükəsizlik Xidmətinin Gorusdan Qafana gedən yolu İranın yük maşınları üçün bağladığı haqda informasiya yayılıb.
Sfera.az xəbər verir ki, bu barədə erməni mediasında məlumat yayılıb. Məlumata əsasən, Gorusun çıxışında Qafana buraxılmayan onlarla İrandan gələn yük maşını toplaşıb. Bildirilir ki, iranlı sürücülərin çoxu Gorus istiqamətində gedərkən pulları olmadığından cərimə ödənişini etməyiblər.
Onların sözlərinə görə, Ermənistan polisi və MTX iranlı sürücülərə kənar yoldan istifadə etməyi məsləhət görüblər. Lakin yük maşınları həddindən artıq böyük olduğundan sözügedən bu dar yolla hərəkət etməkdə çətinlik çəkirlər. Qeyd olunur ki, bu yoldan istifadə edən bir neçə sürücü qəza törədib.
"Əsas səbəb odur ki, onlar ödəniş edə bilməsələr, müxtəlif problemlər yarana bilər"-, deyə Ermənistan KİV yazır.
