Peyvənd olunmayan müəllimlər işsiz qalacaq? - Açıqlama
12:23 / 15.09.2021
900
Məlum olduğu kimi, sentyabrın 22-dən etibarən təhsil
müəssisələrinə yalnız vaksinasiyadan keçmiş və immun sertifikatı olan müəllimlərin
girişinə icazə veriləcək. Bu isə vaksinasiyadan kənarda qalmış pedoqoji işçilərin
faktiki olaraq, işsiz qalması anlamına gəlir. Onlara əməkhaqqının ödənilib, ödənilməyəcəyi
də sual altındadır.
Bəzi təkliflər var ki, dərs deməyən müəllimlərə əməkhaqqı
verilməsin. Bəziləri də vaksinasiyadan keçərək tədrisin təşkilində iştirak edənlərin
daha yüksək əməkhaqqı alması təklifini irəli sürür.
Maraqlıdır, bu istiqamətdə hansı qərarlar qəbul
edilə bilər?
Mövzu ilə bağlı Sfera.az-a danışan Milli Məclisin
Elm və Təhsil Komitəsinin üzvü, deputat İsa
Həbibbəyli vaksinasiyanın müəllimlər üçün zəruriliyini bildirərək, peyvəndləmənin
tək xilas yolu olduğunu vurğulayıb:
"Tədrisin təşkili vaksinasiyadan asılıdır. Müəllimlər
də, alimlər də bilməlidir ki, ölkəmizin bu böyük bəladan tək xilas yolu peyvəndləmədir.
Bu baxımdan ziyalılarımız tərəddüd etmədən vaksinasiyada iştirak etsələr yaxşı
olar. Şəxsən mən hamıdan qabaq peyvənd olunmuşam. Alimlər, müəllimlər təkcə dərs
demək üçün yox, həm də öz həyatlarını qorumaq, şagirdlərinin təhlükəsizliyi üçün
peyvənd olunmalıdır".
Deputat vaksinləşmə ilə bağlı məhdudiyyətlərin tətbiqinin
zəruri olduğunu deyib:
"İstənilən idarə, müsəssisə, nazirlik müəyyən
məhdudiyyətlər tətbiq etməlidir ki, insanlar vaksin olunsunlar. Bu baxımdan Təhsil
Nazirliyi tərəfindən müəlllimlər üçün tətbiq edilən məhdudiyyətləri məqsədəuyğun
hesab edirəm. Ümummiyyətlə bu qərar nazirliyin daxilində qəbul olunan bir məsələdir
və kənardan müdaxilə etmək olmaz".
Sfera.az
