Azərbaycan təhsili pandemiya dövründə - Çatışan və çatışmayan tərəflər...

Artıq bir ildən çoxdur ki, pandemiya həyatımızın ayrılmaz hissəsinə çevrilib. Bu ağır dönəm bir sıra sahələrə, o cümlədən təhsilə də təsirsiz ötüşməyib.  

Bəs, təhsil səviyyəsinin bərpası üçün Azərbaycanda hansı proqramlar hazırlanmalıdır? Təhsil sahəsinin hansı istiqamətində islahatların keçirilməsinə ehtiyac var?

Sfera.az saytı bununla bağlı Milli Məclisin Elm və təhsil komitəsinin üzvlərinin fikirlərini öyrənib.

"Ötən il distant təhsil təşkil olundu və birmənalı olaraq deyə bilərik ki, bu təhsil forması ənənəvi təhsili əvəz edə bilmədi. Təhsilimizdə müəyyən mənada geriləmə yaşandı. Həmin reallığı nəzərə alaraq, bu ildən ənənəvi dərslərin bərpası gündəmə gəldi. Bildiyiniz kimi, bu ayın axırından artıq ənənəvi tədrisə qayıdırıq. Hesab edirəm ki, ötən il baş verən itkiləri aradan qaldırmaq üçün ciddi çalışmalıyıq. Əlavə dərslərin keçirilməsi, tələbələrin bilik və bacarıqlarının inkişaf etdirilməsi istiqamətində addımlar atmalıyıq.

 

Ümumiyyətlə, bu gün dünyada təhsillə bağlı ciddi proseslər gedir, yeni çağırışlar var, yeni tendensiyalar müşahidə olunur. Bu baxımdan hazırkı mərhələdə tədris-təhsil dünyada gedən proseslərə və reallıqlara uyğun qurulmalıdır. Elə etməliyik ki, ötən ildəki itkiləri bu il tələbə və şagirdlər bərpa edə bilsinlər, təhsilimizi gücləndirə bilək”.

"Bu reallığı nəzərə aldıqda, qarşımızda mühim missiyanın olduğunu deyə bilərik. Təhsil sistemimizi gücləndirməyə çalışmalıyıq. Elə sistem qurmalıyıq ki, tələbələr yüksək səviyyədə rəqabətə davamlı təhsil ala bilsinlər. İnanıram ki, Azərbaycan qarşıda duran vəzifələrin öhdəsindən layiqincə gələ biləcək və təhsilimizin keyfiyyətini daha artıracağıq”.

"Düzdür, şagirdlər, tələbələr onlayn dərslərə qoşulurdular, amma bu heç də əyani təhsilin verdiyi keyfiyyəti əvəz etmədi. Lakin sevindirici haldır ki, sentyabr ayının 22-də artıq ibtidai siniflər, 29-dan isə 5-11-ci siniflər, o cümlədən tələbələr əyani təhsilə başlayacaqlar. Ümidvaram ki, həm müəllimlər, həm bütövlükdə təhsil işçilərimiz, şagird və tələbələrimiz, eləcə də valideynlərimiz üzərlərinə düşən məsuliyyəti dərk edərək, əyani təhsilə öz töhfələrini verəcəklər. Bütün sahələrdə olduğu kimi, ölkəmizdə də mütəmadi olaraq təhsil sahənsində islahatlar aparılır. Düşünürəm ki, Təhsil Nazirliyi, aidiyyatı qurumlar pandemiyanın təhsilə vurduğu ziyanı aradan qaldırmaq üçün lazım gəldikcə müəyyən tədbirlər görəcək və bu istiqamətdə də islahatlar aparılacaq. Çünki təhsil bizim gələcəyimizdir və övladlarımızın parlaq gələcəyə sahib olmaları üçün dövlət tərəfindən bütün tədbirlər görülməkdədir”.

"Bu durum istər-istəməz operativ olaraq zəruri qərarların verilməsini tələb edir. Buna baxmayaraq, yaranmış şəraitdə maksimum imkanlardan istifadə edərək, önləyici tədbirlər görmək şərtilə canlı ünsiyyət əsasında qurulan təhsilə üstünlük verilməsini faydalı hesab edirəm. Müşahidələrimə əsasən, Təhsil Nazirliyi də bu istiqamətdə zəruri addımlar atır. Qurum epidemioloji vəziyyətlə əlaqədar olaraq, məktəblərin fəaliyyəti ilə bağlı hamısına eyni göstərişlər vermir. Konkret olaraq  həmin məktəbdəki epidemioloji vəziyyətdən çıxış edərək qərarlar qəbul olunub.

 

Deputat qeyd edib ki, yeni nəslin sağlamlığı da vacib olduğu üçün kəskin vəziyyət yaranarsa, onlayn rejimdə distant təhsilin keçirilməsini yalnız dəstəkləmək lazımdır:

Azərbaycanda orta məktəblərin yarıdan çoxunda bir növbəli tədris təşkil olunur. Belə müəssisələrdə sinifləri iki yerə bölməklə, iki növbəli dərs qurmaqla canlı təhsili qaydaya salmaq asandır. Bununla ilboyu kənd rayonlarında distant təhsilə də ehtiyac olmaz – şagirdlərin sayı az, siniflərin sayı isə xeylidir. Dövlətin apardığı siyasət sayəsində Azərbaycanda məktəb tikintisi istiqamətində böyük irəliləyişlər əldə olunub.  Bütün bunlar millətimizin gələcəyi olan yeni nəslin daha keyfiyyətli təhsil alması üçün düşünülmüş yollardır və bu imkanlardan istifadə olunur. Mövcud proses ölkədə pandemiya şəraitində təhsilin təşkili haqqında bədbin düşünməyə əsas vermir, əksinə, gələcəyə nikbin baxmaq üçün kifayət qədər arqumentlər var”.

Günay Rəsulqızı

Qeyd: Material Azərbaycan Respublikası Medianın İnkişafı Agentliyinin maliyyə dəstəyi ilə hazırlanmışdır.