Əşrəf Qəni Əfqanıstan xalqından üzr üstədi: “Həyatımın ən çətin qərarı idi…”
10:15 / 09.09.2021
683
"Taliban”
qruplaşması Kabilə yaxınlaşarkən ölkəni tərk edən Əfqanıstanın eks-prezidenti Əşrəf
Qəni bu addımına görə xalqdan üzr istəyib.
Sfera.az xəbər verir ki, o, özü ilə milyonlarla dollar
aparması barədə ittihamları rədd edib.
Əşrəf Qəni sosial mediada yayımladığı mesajda təhlükəsizlik
qrupunun təkliflərindən sonra ölkəni tərk etmək qərarına gəldiyini, əgər ölkədə
qalarsa, 1990-cı illərdə olduğu kimi Kabil küçələrində ağır döyüşlərinin
yaşanacağını söyləyib.
O bildirib ki, Kabildən ayrılmaq həyatında aldığı ən çətin
qərar olub: "Lakin silahları susduraraq Kabili və onun 6 milyon əhalisini
qorumağın yeganə yol olduğuna inanırdım”.
Eks-prezident keçmiş müttəfiqlərini ona xəyanət etməkdə
günahlandırıb.
"Korrupsiya onilliklər ərzində ölkəmizin qanını
soran bəla idi. Korrupsiya ilə mübarizə mənim dövlət başçısı olaraq göstərdiyim
səylərin mərkəzində idi", - deyə bildirən Əşrəf Qəni həm özünün, həm də
livanlı həyat yoldaşının şəxsi maliyyə varlıqlarına son dərəcə diqqətli yanaşdığını
vurğulayıb.
Ölkədə 40 ildir, davam edən müharibədə göstərilən fədakarlıqları
ehtiramla yad etdiyini qeyd edən eks-prezident öz sonunun da xələfləri kimi
olmasına görə təəssüf hissi keçirdiyini bildirib.
Əzizə Zeynal
Sfera.az
