Qlobal ərzaq qiymətləri yenidən artıb – Hansı məhsullar daha çox bahalaşıb?
16:07 / 02.09.2021
1644
Qlobal qida qiymətləri iki aylıq fasilədən sonra
yenidən yüksəlib.
Sfera.az bildirir ki, BMT-nin Qida və Kənd Təsərrüfatı
Təşkilatı (FAO) avqust ayı üzrə Qlobal Qida Qiymətləri İndeksini açıqlayıb. Məlumatdan
görünür ki, indeks avqustda aylıq müqayisədə 3,1 faiz, illik müqayisədə 32,9
faiz yüksəlib.
FAO qeyd edir ki, indeksin 2 ay ardıcıl düşməsindən
sonra artması şəkər, bitki yağları və taxıl qiymətlərinin artması ilə bağlıdır.
Taxıl qiymətləri aylıq müqayisədə 3,4 faiz, illik
müqayisədə 31,1 faiz artıb.
Bitki yağlarının qiyməti 5 ay idi ki, düşürdü. Avqustda
bitki yağları 6,7 faiz bahalaşıb.
Şəkərin qiymətində artım isə aylıq müqayisədə 9,6
faiz olub.
Ət qiymətləri də həm aylıq, həm də illik müqayisədə
yüksəlib. Aylıq müqayisədə bahalaşma cüzi olsa da, illik müqayisədə 22 faiz təşkil
edib.
Süd məhsulları avqustda aylıq müqayisədə ucuzlaşsa
da illik müqayisədə 13,6 faiz artıb.
Vasif
