Hindistanda havanın çirkli olması insanların ömrünü 9 il qısaldır

Hindistanda havanın çirkli olması insanların ömrünü 9 il qısaldır
Hindistanda havanın çirkli olması insanların ömrünü 9 ilədək qısalda bilir.

Sfera.az xəbər verir ki, Çikaqo Universitetinin Enerji Siyasəti İnstitutu (EPIC) tərəfindən nəşr olunan araşdırmada təxminən 1,3 milyard əhalisi olan bütün Hindistan əhalisinin Dünya Səhiyyə Təşkilatı tərəfindən müəyyən edilmiş çirklənmə səviyyəsini aşan təhlükəli bir çirklənmə səviyyəsi ilə üzləşdiyi məlum olub.
EPIC-in araşdırmasına görə, Hindistanda hava çirkliliyi təxminən 520 milyon insanın ömrünü qısaldır ki, bu da ölkə əhalisinin 40 faizinə bərabərdir.

Sözügedən araşdırmada, xüsusilə ölkənin qərbindəki Maharashtra əyalətində və ölkənin mərkəzi hissəsində Madhya Pradeşdə hava çirkliliyinin daha da pis həddə çatdığı ifadə edilib.

Xatıraladaq ki, Hindistan hökuməti 2024-cü ilə qədər hava çirkliliyini 30 faiz azaltmaq üçün 2019 -cu ildə milli təmiz hava kampaniyası başladıb.
 
Əzizə Zeynal
Sfera.az
 

OXŞAR XƏBƏRLƏR