Qətərdən “Taliban”a dəstək
Dünya
16:54 / 01.09.2021
1457
Qətərin xarici işlər naziri Məhəmməd bin Əbdürrəhman əl-Tani Əfqanıstanda hakimiyyəti ələ keçirən "Taliban” qruplaşmasının təcrid olunmasının sabitliyi daha da pozacağı ilə bağlı xəbərdarlıq edib.
Sfera.az xəbər verir ki, XİN başçısı bu haqda almaniyalı həmkarı ilə görüşdən sonra açıqlama verib.
O, digər ölkələri Əfqanıstanın sosial-iqtisadi və təhlükəsizlik problemlərini həll etmək üçün "Taliban”la əlaqə qurmağa səsləyib:
"Əgər şərtlər irəli sürməyə başlayaraq əlaqə yaratmağa çalışmasaq, güc boşluğu yaranacaq. Münasibət qurmağa çalışmasaq, təhlükəsizlik və ya sosial-iqtisadi sahədə real irəliləyişə nail ola bilməyəcəyik”.
Qətərli nazir xatırladıb ki, "Taliban” Əfqanıstanda hər kəsi özündə birləşdirəcək hökumət qurmağa söz verib.
Ölkənin bu hala düşməsinin səbəbini "Taliban”ı 20 il təcrid vəziyyətində saxlamaqda görən əl-Tani Kabildə nəzarətin təşkilat tərəfindən ələ keçirilməsindən sonra təxliyə və terrorizmə qarşı mübarizədə müsbət nəticələrin əldə edildiyini iddia edib.
Almaniya XİN başçısı Heliko Maas isə öz növbəsində məsələyə münasibət bildirərək ölkəsinin Əfqanıstana kömək etmək istədiyini, lakin beynəlxalq yardım üçün müəyyən şərtlərin yerinə yetirilməli olduğunu söyləyib.
"Taliban”la danışıqlar aparmaq üçün heç bir yolun olmadığını söyləyən almaniyalı nazir qeyd edib ki, beynəlxalq birlik Əfqanıstandakı qeyri-sabitliyə dözə bilməz.
Əzizə Zeynal
Sfera.az
