"Türk əsgərləri yenidən Əfqanıstana gedəcək"- Əzizullah Din Məhəmməd
Dünya
17:27 / 31.08.2021
1180
"İnşallah Əfqanıstanda yeni hökumət qurulduqdan
sonra türk əsgərləri yenidən bura gələcək".
Sfera.az xəbər verir ki, bunu "Taliban" hərəkatına yaxın Sülh
Şurasının sədri Əzizullah Din Məhəmməd deyib.
Türkiyənin "Yeni Şafak" qəzetinə müsahibə
verən şura sədri, Əfqanıstanda
hökumət qurulsa sabitliyin olacağını bildirib. Türklər və əfqanlar
arasındakı tarixi bağları xatırladan Sülh Şurasının sədri, ilk əlaqələrin Türkiyə
ilə qurulacağına inandığını da
qeyd edib:
" "Taliban"ın "Əfqanıstanda heç bir
xarici güc istəmirik" açıqlaması türk əsgərləri ilə bağlı deyil, NATO ilə
bağlıdır. "Taliban" Əfqanıstanda NATO -nun heç bir gücünü istəmir. İnşallah,
yeni hökumət qurulandan sonra, Türkiyə ilə müstəqil əlaqələr qurulacaq. Türk əsgərləri
yenidən Əfqanıstana gələcək, əlaqələrimiz daha da
yaxşı inkişaf edəcək".
Sfera.az
