Elektrik ixracı gəlirli sahəyə çevrilir

Elektrik ixracı gəlirli sahəyə çevrilir
Azərbaycanda son illərdə elektrik enerjisinin istehsalının artırılması bu məhsulun xarici ticarətində müsbət saldonun əldə edilməsinə imkan verib. Ölkəmiz müstəqilliyini bərpa etdikdən sonra ilk illərdən elektrik enerjisinin xarici ticarəti ilə məşğul olub. Ötən müddətdə hər il elektrik enerjisini ixrac etdiyimiz kimi onun idxalını da həyata keçirmişik. 

Sfera.az bildirir ki, 2008-ci ilə qədər Azərbaycan elektrik enerjisi ticarətindən zərər edib. Yəni, hər il xaricdən aldığımız elektrik enerjisinin dəyəri, satdığımızdan çox olub. 1990-cı illərin ilk illəri ilə müqayisədə 2000-ci illərin əvvəlində elektrik enerjisinin ticarətində zərərimiz bir qədər də böyüyüb. 1994-cü ildə 17,4 milyon dollarlıq elektrik enerjisi idxal etdiyimiz halda ixracımızın dəyəri 5,8 milyon dollar təşkil edib. Bu ildə idxal ixracdan 3 dəfə böyük olub. 2002-ci ildə idxalımız 67,1 milyon dollar, ixracımız 18,9 milyon dollar idi. İdxalın həcmi ixracdan 3,55 dəfə böyük olmuşdu. 

Sonrakı illərdə elektrik enerjisi idxalı tədricən azalıb və 2008-ci ildə fərq müsbət olub. Həmin ildə Azərbaycanın elektrik enerjisi idxalı 10,5 milyon dollara, ixracı 27,4 milyon dollara yüksəlib. 2008-ci ildə əldə edilən müsbət nəticə sonrakı illərdə də davam etdirilib və 2011-ci ildə elektrik enerjisinin ixracı 40,1 milyon dollara çatıb. Həmin ildə elektrik enerjisi idxalı 7,3 milyon dollar olmuşdu. 

2012-2016-cı illərdə elektrik enerjisi ixracında azalma qeydə alınıb. Hətta 2015-ci ildə ixrac 17,2 milyon dollara qədər geriləyib. Bu dövrdə idxal da azalıb və 2015-ci ildə 5 milyon dollara geriləyib. 

Amma 2017-ci ildə elektrik enerjisi ixracında yenidən yüksəliş baş verib. Bu ildə elektrik enerjisi ixracı 51 milyon dollara çatıb, idxalsa 4,2 milyon dollar təşkil edib. 
2018-ci ildə ixrac 65,6 milyon dollar, 2019-cu ildə 76,8 milyon dollar, 2020-ci ildə 59,8 milyon dollar, 2021-ci ilin yanvar-iyul ayları ərzində 33 milyon dollar olub. 
Göründüyü kimi, elektrik enerjisi ixracında maksimum göstərici 2019-cu ildə qeydə alınıb. Bu ilin yekununda ixracın 60 milyon dollar səviyyəsində olacağını təxmin etmək olar. 

Azərbaycanın elektrik enerjisinin ixracının artması bu məhsulun istehsal həcminin artması ilə bağlıdır. 1995-ci ildə Azərbaycanda 17 milyard kVt/saat elektrik enerjisi istehsal edilmişdirsə, 2019-cu ildə istehsal 26 milyard kVt/saatı ötüb. 

Vasif
Sfera.az



OXŞAR XƏBƏRLƏR

İranda yeni virusa yoluxanların sayı açıqlandı

Mart ayının 21-dən bu günə kimi İranda 259 nəfər danq qızdırmasına yoluxub.   Sfera.az xəbər verir ki, bu barədə İran Səhiyyə Nazirliyi məlumat yayıb...

Türkiyəli tanınmış müğənni vəfat etdi - FOTO

Türk musiqisinin və səhnə sənətinin unudulmaz simalarından biri olan Rüçhan Çamay 94 yaşında dünyasını dəyişib.   Sfera.az Milli.Az-a istinadən ...

İlham Əliyev BMMT Baş Assambleyasının növbədənkənar sessiyasının iştirakçılarına müraciət ünvanlayıb

Prezident İlham Əliyev Beynəlxalq Mülki Müdafiə Təşkilatı (BMMT) Baş Assambleyasının üçüncü növbədənkənar sessiyasının iştirakçılarına müraciət ünvanlayıb. &...

Ərdoğana yeni səlahiyyət verilir

Türkiyədə Xüsusi Qüvvələr Komandanlığına təyin olunan quru qoşunları və hərbi dəniz qüvvələrinin generallarının yaş həddi 67-yə qaldırılacaq.   Sfera...

“Mingəçevir"in yeni baş məşqçisi müəyyənləşdi

Azərbaycanın I Liqa təmsilçisi “Mingəçevir"in yeni baş məşqçisi müəyyənləşib.   Sfera.az klubun mətbuat xidmətinə istinadən xəbər verir ki...

Hava dəyişkənliyi psixoloji problemlərə yol aça bilər? - Psixoloqdan AÇIQLAMA

Son günlərdə hava şəraitinin dəyişkənliyi bəzi insanlar üçün xoş qarşılansa da, digərləri üçün mənfi təsir göstərir. Küləkli və ya yağışlı hava şəraiti istirahə...