Bakıda 15 yaşlı türk oğlan özünü 9-cu mərtəbədən atdı - FOTO
Kriminal
17:02 / 26.08.2021
1162
Bakının Nərimanov rayonunda intihar hadisəsi baş verib.
Hadisə Təbriz küçəsi 58-66 ünvanında qeydə alınıb.
Sfera.az-ın APA-ya istinadən məlumatına görə, əslən türkiyəli olan 15 yaşlı Məhəmməd Kalkan özünü yaşadığı binanın 9-cu mərtəbəsindən ataraq intihar edib. Yeniyetmə hadisə yerində ölüb. Əraziyə polis və prokurorluq əməkdaşları cəlb edilib.
Meyit Məhkəmə Tibbi Ekspertiza və Patoloji Anatomiya Birliyinin Nərimanov rayon şöbəsinə təhvil verilib.
Qeyd edək ki, intihar edən şəxsin yaşadığı binada yerləşən "İzmir" mağazasının sahibinin oğlu olduğu deyilir. Onun hansı səbəbdən intihar etdiyi məlum deyil. İntihar edən şəxs əvvəlcə binanın həyətində olan "Mercedes” markalı avtomobilin üzərinə düşüb. Zərbə nəticəsində maşının arxa hissəsi əzilib.
Baş vermiş hadisə ilə əlaqədar yolda sıxlıq müşahidə edilib. Faktla bağlı araşdırma aparılır.
