"Taliban" qadınlar üçün yeni qadağaları AÇIQLADI
Dünya
15:37 / 26.08.2021
1601
Əfqanıstanda hakimiyyəti ələ keçirən "Taliban” yeni qadağaları açıqlayıb.
Sfera.az bildirir ki, bu barədə "Taliban”ın rəsmi nümayəndəsi Zabihullah Mücahid məlumat verib.
Onun sözlərinə görə, qadınların təkbaşına səyahətinə icazə verilməyəcək. Belə ki, qadağaya görə, bir neçə gün davam edəcək gəzintilərdə qadınların yanında bir kişi olmalıdır.
Mücahid həmçinin bildirib ki, ölkədə 1996-2001-ci illərdəki kimi yenidən qadınların evdə oturması və ya simalarının örtülməsi ilə bağlı məcburiyyət istiqamətindəki fikirlər əsassızdır.
"Yeni kişi müşayiətçi qaydası gəzinti sadəcə üç gün və ya daha uzun müddətdə olacağı təqdirdə keçərli olacaq. Məktəblər, iş yerləri, universitetlər ya da xəstəxanaya gedərkən bu qaydanın tətbiqinə ehtiyac yoxdur. Qadınların iş həyatına geri dönmələrinə icazə veriləcək. Amma bunun üçün başlarını bağlamaqları şərtdir”, - deyə rəsmi nümayəndə əlavə edib.
Türkan
Sfera.az
