“ABŞ “Taliban”ın hakimiyyətə gəlməsinə “yaşıl işıq” yandırdı” - Politoloq
12:43 / 26.08.2021
1181
Hazırda beynəlxalq gündəmi məşğul edən əsas
müzakirə mövzusu "Taliban”nın Əfqanıstandakı fəaliyyətidir. Bu istiqamətdə demək
olar ki, hər gün müxtəlif fikirlər səsləndirilir, iddialar irəli sürülür.
"Taliban”nın bundan öncə, 1996–2001-cü illərdə
Əfqanıstanın əksər ərazisini idarə etdiyi hər kəsə bəllidir. Onlar
açıqlamalarında 20 il bundan qabaqkı təşkilat olmadıqlarını, ölkəni sivil
qaydalarla idarə edəcəklərini vurğulayırlar. Buna baxmayaraq, bəzi iddialara
görə, "Taliban” İŞİD kimi başqa ölkələrin
ərazilərinə sıçrayacaq, bölgədə yenidən gərginliyin yaranmasına səbəb
olacaqlar.
Bununla bağlı Sfera.az –a açıqlama verən
politoloq Məhəmməd Əsədullazadə qeyd edib ki, "Taliban”nın Əfqanıstanda
hakimiyyəti ələ keçirməsi regionda gedən geosiyasi proseslərin nəticəsidir:
"ABŞ "Taliban”ın hakimiyyətə gəlməsinə "yaşıl
işıq” yandırdı və bundan istifadə edərək bölgədə yeni bir problemə gətirib
çıxaracaq prosesə start verdi. Xüsusilə əsas hədəf Çin və Rusiyanı böhrana
salmaq və bu ölkələrin beynəlxalq müstəvidə artan mövqeyini zəiflətməkdir.
"Taliban” əlbəttə ki, terror təşkilatıdır və
onların hansı siyasətə üstünlük verəcəyi hələ sual altındadır. Onlar bundan öncəki 4 illik hakimiyyətləri dövründə Əfqanıstanda
aktiv şəkildə daxili siyasətdə böhrana imza atıblar. Həmin böhranın növbəti mərhələdə
yeni təzahürdə davam edəcəyini istisna etmirəm. Ümumiyyətlə, "Taliban”nın
normal bir ölkə quracağı kimi mesajlarını ciddi qəbul etməməliyik”.
Müsahibimiz bildirib ki, "Taliban” regionda
ümumi böhranı tətikləmək üçün hakimiyyətə gətirilib:
Günay Rəsulqızı
