İran Əfqanıstana yanacaq ixracını bərpa etdi - Talibanla razılaşma

İran Əfqanıstana yanacaq ixracını bərpa etdi - Talibanla razılaşma
İran Əfqanıstanda nəzarəti ələ keçirən "Taliban” üzvlərinin istəyi ilə Əfqanıstana yanacaq ixracını bərpa edib. 
 
Sfera.az xəbər verir ki, İranın xəbər agentliyi "Mehr"in yazdığına görə, İranın Neft, Qaz və Neft-Kimya İxracatçıları Birliyinin sözçüsü Həmid Hüseyni bu barədə açıqlama verib.
 
O, "Taliban”ın yanacaq tariflərini 70 faiz endirdiyini, həmçinin İranın Əfqanıstana yanacaq ixracını bərpa etdiyini bildirib. Hüseyni bəyan edib ki, Əfqanıstana yanacaq idxalının bərpasına baxmayaraq, bəzi iranlı iş adamları bu ölkəyə yanacaq ixrac etməkdən ehtiyat edirlər.

İran Əfqanıstandakı son hadisələr və təhlükəsizlik səbəbiylə Əfqanıstana yanacaq ixracını 6 avqustda dayandırmışdı.

Əzizə Zeynal
Sfera.az 



OXŞAR XƏBƏRLƏR