UNICEF: 1 milyon əfqanıstanlı uşaq təhlükə altındadır

Dünya
15:53 / 23.08.2021
1365
Birləşmiş Millətlər Təşkilatının Uşaq Fondu (UNICEF) təxminən 1 milyon əfqanıstanlı uşağın sağlamlığının pis qidalanma səbəbiylə təhlükədə olduğunu və uşaqların müalicə edilmədikləri təqdirdə ölə biləcəklərini açıqlayıb.
Sfera.az xəbər verir ki, UNICEF-in icraçı direktoru Henrietta Fore verdiyi açıqlamada Əfqanıstanda təxminən 10 milyon uşağın sağ qalması üçün humanitar yardıma ehtiyacı olduğunu söyləyib.
Onların 2.2 milyonunun qız olmaqla, təxminən 4.2 milyon uşağın təhsilini davam etdirə bilməyəcəyi də qeyd edilib. Həmçinin, Əfqanıstanda 435 000 uşaq və qadının məcburi köçkün olduğu da vurğulanıb.
Henrietta Fore 65 ildir Əfqanıstanda uşaqların və qadınların həyatını yaxşılaşdırmaq üçün çalışan UNICEF-in gələcəkdə də bu sahədə çalışmağa davam edəcəyini bildirib.
Əzizə Zeynal
Sfera.az