BMT daha 120 əməkdaşını Əfqanıstandan təxliyə etdi
Dünya
09:15 / 23.08.2021
1397
BMT daha 120 əməkdaşını və qeyri-hökumət təşkilatlarının nümayəndələrini Əfqanıstandan Qazaxıstana təxliyə edib.
Sfera.az xəbər verir ki, bu barədə beynəlxalq təşkilatın baş katibinin rəsmi nümayəndəsi Stefan Dujarrikin açıqlamasında deyilir.
"BMT avqustun 22-də Əfqanıstanda 120 nəfəri Əfqanıstanın paytaxtı Kabildən çıxararaq Alma-Ataya aparıb, bu son həftə ərzində ikinci belə aviareysdir. Sərnişinlər arasında BMT əməkdaşları və Birləşmiş Millətlər Təşkilatının Əfqanıstandakı müttəfiqi olan bir neçə qeyri-hökumət təşkilatının üzvləri var", - açıqlamada deyilir.
"Birləşmiş Millətlər diqqətini özünün minlərlə əməkdaşının və müttəfiqlərinin təhlükəsizliyinin təminatına yönəldib, köməyə ehtiyacı olan milyonlarla əfqana "kritik əhəmiyyətli humanitar və digər yardımlar üzərində işləyir", - Dujarrik qeyd edib.
Qeyd edək ki, ötən həftə BMT-nin təxminən 100 əməkdaşı məsafəli iş rejimində çalışmaq üçün təyyarə ilə Kabildən Alma-Ataya aparılıb.
