Tərəvəzlər 20 faizdən çox bahalaşıb - YENİ QİYMƏTLƏR
15:08 / 17.08.2021
1128
Bu ilin iyulunda tərəvəz məhsullarında bahalaşma 20 faizi ötüb.
Sfera.az rəsmi məlumatlara istinadən xəbər verir ki, 2021-ci ilin iyulunda tərəvəz qiymətləri 2020-ci ilin iyuluna nisbətən 20,7 faiz artıb. Xatırladaq ki, tərəvəz qiymətlərində artım iyunda 12,9 faiz, mayda 5,9 faiz idi.
Müqayisə edilən tarixdə tərəvəz məhsullarının bir çoxu bahalaşıb. Ən çox bahalaşma ağ kələm (32 faiz), xiyar (75 faiz), süfrə çuğunduru (71 faiz), yerkökü (54 faiz) və baş soğanda (28 faiz) qeydə alınıb.
Bazar məlumatlarına əsasən, əvvəlki ilin iyulunda kiloqramı 47 qəpiyə satılan ağ kələm bu ilin iyulunda 62 qəpiyə təklif edilib.
Açıq havada yetişdirilən xiyarın qiyməti bir ildə 35 qəpik artaraq 82 qəpiyə çatıb.
Yerkökü 44 qəpik bahalaşaraq 1,26 manat, baş soğan 11 qəpik bahalaşaraq 53 qəpik olub.
Bunlardan başqa sarımsaq 40 qəpik bahalaşmaqla 3,43 manata, şirin bibər 20 qəpik bahalaşaraq 1,63 manata təklif edilib.
Vasif
Sfera.az
