Ana övladı ilə birgə özünü də suya atıbmış - FOTO/YENİLƏNİB
13:17 / 14.08.2021
2413
Sfera.az-ın Qaynarinfo-ya istinadən məlumatına görə, Gülər İmanzadə ailədə davamlı zorakılıq görüb.
Dünən gecə də evdə döyülən gəlin yaxınlıqda su tapmadığından kəndin girişində, qəbiristanlığın yanından axan kanala qədər gedib, orada bir az sulu yer tapıb və özüylə birgə övladını kanala atıb. Ancaq kəndin kanalında uzun müddətdən bəri su olmadığından qadına heç nə olmayıb, yosunların arasında itən uşaq isə boğulub.
Hadisə bu gün səhər, saat 7-8 arası baş verib.
***
Biləsuvar rayonunda dəhşətli hadisə baş verib.
Sfera.az-ın "Report"a istinadən məlumatına görə, hadisə bu gün səhər saatlarında rayonun İsmətli kəndində qeydə alınıb.
Belə ki, həmin kənddə yaşayan, 1992-ci il təvəllüdlü Gülər İmanzadə 1 yaşı olan övladını su kanalına atıb. Nəticədə uşaq suda boğulub.
Hazırda hadisə yerinə polis və prokurorluq əməkdaşları cəlb edilib. Hadisənin təfərrüatı dəqiqləşdirilir.
Faktla bağlı araşdırma aparılır.
