Niyə məhz Naxçıvan? – Ermənilər davamlı olaraq nədən bu istiqaməti atəşə tutur...
12:01 / 09.08.2021
1814
Xəbər
verdiyimiz kimi, Ermənistan
silahlı qüvvələrinin bölmələri Vedi rayonunun Arazdəyən yaşayış məntəqəsində
yerləşən mövqelərindən Naxçıvan Muxtar Respublikasının Sədərək rayonu Heydərabad
yaşayış məntəqəsi istiqamətində yerləşən Azərbaycan Ordusunun mövqelərini fasilələrlə
atıcı silahlardan atəşə tutub.
Rəsmi məlumatda
bildirilir ki, əməliyyat şəraiti ordu bölmələrimizin
nəzarəti altındadır, itki yoxdur.
Maraqlıdır,
erməni hərbi qüvvələrinin Naxçıvanı hədəf alması nədən irəli gəlir?
Məsələ
ilə bağlı Sfera.az-a danışan politoloq Əlimusa İbrahimovun sözlərinə görə, ilin
sonunadək Azərbaycan və Ermənistan arasında sülh sazişi imzalanacaq:
"Bu
il təkcə Qazaxın işğalda olan kəndləri yox, eyni zamanda Naxçıvanın da işğalda
olan kəndi geri qaytarılacaq. Sərhədlərin delimitasiyası, sülh sazişinin
imzalanması kimi məsələlər də ilin sonunadək reallaşacaq. Yəni, bu gün Ermənistanın
Naxçıvanı davamlı olaraq atəşə tutmasının kökündə məhz bu narahatlıqlar dayanır.
Lakin erməniləri narahat edən əsas məqam sülh sazişinin imzalanmasıdır ki, bunu
da Nikol Paşinyan hakimiyyətinin ilk illərindən istəyir. Çünki Qarabağ məsələsi
tam həll olunarsa, Ermənistan Rusiyanın təsir dairəsindən çıxacaq və ABŞ-la yaxınlaşmaq
şansı qazanacaq. Bunu başa düşən Rusiyaya bağlı erməni qüvvələri etiraz əlaməti
olaraq Naxçıvan da daxil olmaqla, sərhədboyu ərazilərdə təxribatlar törətməyə çalışır".
Politoloq
Azərbaycan-Ermənistan sərhəddində yerləşən rus hərbi qüvvələrinin də tezliklə
geri çəkiləcəyini bildirib. Ekspert buna səbəb kimi sərhədlərin delimitasiya və
demarkasiyasını göstərib:
Əzizə
Zeynal
Sfera.az
