Miri Yusiflə Röya Ayxandan gözlənilən duet – AUDİO
Müğənni Miri Yusif və əməkdar artist Röya Ayxan sayca 3-cü duetlərini sevənlərinə təqdim ediblər.
Oxu.Az xəbər verir ki, M.Yusif iyunun 4-də keçirdiyi mətbuat konfransında tanınmış rusiyalı DJ Matuya ilə ərsəyə gətirdiyi "Bomba kimi” adlanan klipini təqdim etmiş və yaxın günlərdə Röya Ayxanla yeni duetini təqdim edəcəyini bildirmişdi.
Əməkdar artistlə müğəninin birgə ifa etdiyi bəstə "Səndən bir dənədir” adlanır. Mahnının sözləri Miri Yusif, musiqisi və aranjimanı Kamil Əhmədbəyli ilə Tural Əliyevə məxsusdur.
Bu, ifaçıların ilk işbirliyi deyil. Bundan əvvəl məşhurlar "Liman” və "Biz qalib olacağıq” adlanan mahnılarını dinləyicilərinin ixtiyarına vermişdilər.
Qeyd edək ki, Miri Yusif 8-9 iyulda Yaşıl Teatrda ikigünlük solo konsertindən sonra qardaş Türkiyədə də konsert proqramı ilə çıxış edəcək. Bu isə oktyabr ayına planlaşdırılır.
