Almaniyada kimyəvi zavodda dəhşətli PARTLAYIŞ: Ən yüksək təhlükə dərəcəsi elan edildi - VİDEO
14:32 / 27.07.2021
814
Almaniyada güclü partlayış baş verib.
Sfera.az bildirir ki, hadisə bu gün Leverkuzn şəhərində yerləşən Avropanın ən böyük kimyəvi zavodlarından olan - Bayerdə qeydə alınıb.
Partlayışdan sonra ən yüksək təhlükə dərəcəsi elan edilib, yollar bağlanıb, insanlara evdən çıxmamaq və pəncərələri açmamaq xəbərdarlığı edilib.
Baş verən hadisə zamanın xəsarət alanların olub-olmadığı bilinmir.
Qeyd edilib ki, partlayış obyektin yanacaq çənlərinin yerləşdiyi ərazidə olub. Leverkusen yanğınsöndürmə briqadası da smartfon istifadəçilərinə "yüksək təhlükə" xəbərdarlığı göndərib. Partlayışdan qaynaqlanan tüstünün kilometrlərlə uzaqdan göründüyü bildirilir.
Türkan
Sfera.az
