DÜNYANIN ƏN ASAN TORTU - QARIŞQA YUVASI
22:30 / 20.06.2016
4382
Bəzək-düzək, səliqə tələb etməyən tort resepti
Daha bir sovet nostalgiyası yaradan tort "MURAVEYNİK” sadə olduğu qədər də dadlıdır. Ucuz başa gəlir. Hətta heç vaxt tort bişirməyən də bunu bişirə biləcək!
Ərzaqlar:
Xəmir üçün:
Kərə yağı – 200 qr.
Un – 400 qr.
Yumurta – 1 ədəd
Süd – 125 qr.
Duz – bir çimdik
Krem üçün:
Kərə yağı – 200 qr.
Qatılaşdırılmış süd – 1 banka
Hazırlanması:
Yağ çalınır, bura yumurta, süd, un, duz əlavə olunub, xəmir yoğrulur. Xəmir kürə kimi yumrulanıb bükülür və soyuducuda 40 dəqiqə saxlanılır. Sonra xəmiri ətçəkəndən keçirib, formaya tökür və 200 dərəcədə qızarana kimi bişirirsiniz. Krem üçün qaynadılmış qatılaşdırılmış südlə yağ çalınır. Bişmiş xəmir kremlə birgə qatılıb qarışdırılır və qarışqa yuvası təpəciyi kimi formaya salınır. Soyumaq və özünü tutmaq üçün soyuducuya qoyulur. Nuş olsun!(süfrəm.az)
