Sfera.az xəbər verir ki, paylaşımda deyilir:

"MİUS layihəmizin konseptual dizayn görüntülərini ilk dəfə paylaşırıq. Millətimizə və bütün İslam aləminə sağlam və xoş Qurban bayramı diləyirik”.

"Baykar”ın texniki direktoru Selçuk Bayraktar yeni layihəsi ilə bağlı açıqlama verib:

"12 ildən çoxdur ki, MİUS layihəmizin xəyalını qururduq. Pilotsuz döyüş təyyarələrimizin SİHA-larda olduğu kimi, hava müharibəsi konseptini dəyişəcəyi, gələcəkdə 5-ci nəsil döyüş təyyarələrinin yerinə keçəcəyi gözlənilir. MİUS-un sürəti səs sürətinə yaxın olacaq. Sonrakı prototipləri isə supersonik qabiliyyətə malik olacaq. 1,5 tona yaxın sursat, ağıllı raketlər və qanadlı raketləri daşıya biləcək. Döyüş sursatlarını həm gövdəsində, həm də qanadlarında daşıya bilər”.

Selçuk Bayraktar qeyd edib ki, MİUS-un ilk uçuşunu Cümhuriyyətin 100-ci ilində gerçəkləşdirməyi planlaşdırırlar.