“Bir şəhid övladı deyə bilməz ki, Floranı çağırdım, gəlmədi...” – Xalq artistindən açıqlama

"Bu faciəni indi çoxları unudub. Mənim isə yaddaşım hələ də qan ağlayır. Nə Xocalını unutmuşam, nə də əsirlikdə olan qız-gəlinlərimizi. İndi isə qalib bir dövlətin sənətkarıyam. O yaranı 27 il ürəyimdə daşımışam. Etdiyim əməllərimlə bu gün qürrələnməyə sizdən çox haqqım çatır, bununla belə şadlana bilmirəm.
O illərdə nə indiki kimi şəhid dəfn olunurdu, nə də qazilər yada düşürdü. Bu illər ərzində bir qazi, şəhid övladı deyə bilməz ki, Floranı bir məclisimə çağırdım, gəlmədi. Təəssüf ki, həmin illər İnstaqram, nə də alternativ vasitələr var idi. 25 il efir qadağası olan biri idim. Mən bu etdiklərimi dilə gətirmədim, gündəm etmədim. Çox şükür edirəm ki, yaradan bu xisləti mənə rəva bilmədi”.