ABŞ-ın keçmiş dövlət katibi Mayk Pompeo: "Putin Baydenin zəifliyini görür"
10:54 / 12.07.2021
1255
ABŞ-ın keçmiş dövlət katibi Mayk Pompeo əmindir
ki, Putin Amerika strukturlarına kiber
hücumları dayandırmaqla bağlı bütün çağırışları "bir qulağından alıb, o biri
qulağından verəcək”.
Sfera.az-ın pravda.ru-ya istinadla məlumatına
görə, ABŞ-ın keçmiş dövlət katibi Mayk Pompeo ABŞ prezidenti Co Baydeni
"rusiyalı hakerlər"in Amerika obyektlərinə etdiyi kiberhücumlara görə
Rusiyaya qarşı saxlama strategiyasını sərtləşdirməyə çağırıb. Onun fikrincə,
Rusiya lideri Vladimir Putinlə bu mövzuda danışıqlar "heç bir nəticə verməyəcək”:
Putin "xoşluqla razılığa gəlmək” cəhdlərində
yalnız Baydenin zəifliyini görəcək”.
"Prezident Baydenin çıxışını dinləyirəm və
əminəm ki, keçmiş KQB zabiti Vladimir Putin
potensial olaraq toxuna biləcəyi minlərlə nəsnəni kənarda buraxaraq,
ona: " Ey, toxunmağını yasaqladığımız 16 nəsnənin siyahısı tutulub” deyən prezidentin zəifliyini görür”,- deyə
Mayk Pompeo Fox News telekanalının canlı yayımında bildirib.
Bunun əvəzinə, Bayden Rusiyanı "ağrı hiss
etməyə" məcbur etməlidir, yəni "Rusiyanın kiberhücumları" nın nəticələrini yalnız
Putin və rusiyalı oliqarxlar deyil, bütün Rusiya xalqı hiss etməlidir ",-
deyə Pompeo təklif edib.
Selcan
Sfera.az
