"Gerasimovla Arutyunyan arasında olan telefon
danışığında onların Azərbaycan ərazisindəki rus sülhməramlılarının fəaliyyətini
müzakirə etmələri həyasızlıqdır. Hərbi danışıqlar adətən mətbuata ötürülmür.
Amma danışıqların mahiyyəti ilə bağlı informasiyanın mətbuata ötürülməsi bunun
qəsd olduğu anlamına gəlir”.
Bu sözləri
Sfera.az-a açıqlamasında Rusiya silahlı qüvvələrinin Baş Qərargah rəisin Valeri
Gerasimovla Ermənistan müdafiə naziri Vaqaraşaq Arutyunyanın Qarabağda yerləşdirilən
rus sülhməramlılarının fəaliyyəti barədə fikir mübadiləsi aparmalarına münasibət
bildirərkən, politoloq Cümşüd Nuriyev deyib.
Ekspert bildirib ki, bu məlumat həm də Azərbaycana
qarşı yönələn "qara piar”dır və qarışıqlıq
yaratmağa hesablanıb:
"Bu kimi davranışların arxasında Moskvanın
Qafqaz maraqları dayanır. Görünən odur ki, Kreml yenə də ermənilərin xəyanətkar
siyasətindən yararlanmağa çalışır. Azərbaycan ərazisindəki rus sülhməramlılarının
fəaliyyətini ona zərrə qədər də aydiyyatı olmayan Ermənistan vətəndaşı ilə
müzakirə etmək Moskva tərəfindən İrəvana rusların mühafizə etdiyi Qarabağdan bərk-bərk
yapışmaq tapşırığının verilməsidir. Putun başda olmaqla Rusiyanın bütün
yetkililəri hələ də Qarabağın statusundan danışmaqda davam edirlər. Baxmayaraq
ki, Azərbaycan status məsələsinə son qoyub. Belədə onların məqsədi yenidən Azərbaycan
daxilində qarışıqlıq yaratmaqdır”.
Rüfət SULTAN
