Tanınmışlar da narkomaniya ilə mübarizəyə qoşuldu: “Gələcəyimiz məhv olur”
Cəmiyyət
15:55 / 08.07.2021
1254
Son günlər mütəxəssislər narkotiklə bağlı həyəcan
təbili çalır. Onlar "patı”, "şüşə”, "metamfetamin” kimi süni narkotik istifadəçilərinin
sayının artdığını vurğulayırlar.
Sfera.az bildirir ki, yerli məşhurlar da məsələyə
münasibət bildirib. Belə ki, tanıınmış prodüser Tarix Əliyev (Tolik) bu barədə
sosial şəbəkə hesabında paylaşıb edib.
O qeyd edib ki, bu gün gənclərin
narkomaniyanın qurbanına çevrilməsinə səbəb onun bəlkə də MDB ölkələri arasında
ən çox bizim sosial şəbəkələrdə təbliğ olunmasıdır:
"Daxili İşlər Nazirliyi son günlər onlarla
narkotik alverçisini və onların təbliği ilə məşğul olanları tutub. Amma bu
azdır. Düşünürəm ki, bu mübarizədə hər birimiz səfərbər olmalıyıq”.
Prodüser narkotikə qurşananlarla bağlı müvafiq
qurumları xəbərdar etməyi təklif edib: "Bununla həm onların həyatını xilas
etmiş olursunuz, həm də başqa gənclərin bu bəlaya yoluxmasının qarşısını
alırsız. Narkomaniyaya stop deyək!”.
Türkan
