Paşinyan Putinlə razılaşıbmı? – “Hələlik dəqiq nəsə söyləmək çətindir”
14:58 / 08.07.2021
1372
"Paşinyan və Putin arasında keçirilmiş görüşlə
bağlı verilən kasad rəsmi məlumatlar orada müzakirəyə çıxarılan məsələlərin heç
onda birini əhatə etmirdi”.
Bunu Sfera.az-a açıqlamasında politoloq
Əlimusa İbrahimov deyib. O bildirib ki, Paşinyanın tələsik, hələ Baş Nazir
kürsüsünə əyləşmədən Rusiyaya səfər etməsi ortalıqda təcili həllini gözləyən məsələlərin
olmasından xəbər verir:
"Bu məsələlər ictimaiyyətin müzakirəsinə
çıxarılmayacaq qədər ciddi və qapalıdır. Onlar haqqında hələlik hipotezlər irəli
sürmək olar. Amma Ermənistanda yeni hökumətin formalaşdırılması zamanı
Paşinyanın hərəkətlərindən Rusiyanın təsirinin hansı səviyyədə olacağı müəyyənləşəcək”.
Müsahibimiz deyib ki, erməni qoşunlarının hələ
danışıqlar getdiyi vaxtda təxribatlar törətməsini bir neçə səbəblə əlaqələndirmək olar:
"Birincisi, Paşinyan Silahlı Qüvvələrə tam nəzarət
edə bilmir və onun xəbəri olmadan təxribatlar törədilir. İkincisi, Paşinyana
müxalif olan qüvvələr onun həyata keçirdiyi islahatların qarşısını almaq, eləcə
də ölkədə qarşıdurma yaratmaq üçün bu hadisələr törədilir.
Günay Rəsulqızı
