Əfqanıstanda nə baş verir? - Açıqlama

Bunu Sfera.az-a açıqlamasında politoloq Samir Hümbətov son günlər Əfqanıstanda baş verən proseslərdən danışarkən bildirib.

 

O qeyd edib ki,  ABŞ-ın qoşunları Əfqanıstandan çıxarıb, işğala son qoymaq niyyətində olduğunu düşünmək yanlışdır: "Çünki  ABŞ 20 il ərzində təkcə Əfqanıstanda gedən döyüşlərə 2 trilyon dollara qədər maliyyə vəsaiti xərcləyib və ordunun 3 minə qədər şəxsi heyətini itirib. Bütün bunları nəzərə alsaq, ABŞ-ın belə xoş niyyətdə olduğunu düşünməyimiz mənasız olar. Bəs, ABŞ-ın burada atdığı addımların arxasında hansı planlar dayanır? ABŞ qüvvələrinin Əfqanıstandan tamamilə çəkilməsi təbii ki, inandırıcı deyil. Görünən odur ki, ABŞ müəyyən sayda, təqribən 2500 nəfərədək şəxsi heyti burada saxlamağa davam edəcək”.

Politoloq  ABŞ-ın Əfqanıstandan tam çıxmamaq səbəblərindən də söz açıb:

"Bunun arxasında Əfqanıstanın yeraltı təbii sərvətlərlə zəngin olması, buranın narkotik yetişdirilməsi və ticarətinin əsas mərkəzlərindən biri olması, yerləşdiyi regionun ABŞ xarici siyasəti üçün əlverişli təsir vasitəsi olması və s. kimi məsələlər dayanır. Sözügedən bu məsələlər Əfqanıstanın əhəmiyyətini bir az daha artırıb. Son illər Çin şirkətlərinin buranın yeraltı mədənlərinin işlənməsinə ciddi maliyyə yatırımları etdiyini nəzərə alsaq, o zaman vəziyyətin nədən ibarət olduğu daha aydın olar. Həmçinin ABŞ Əfqanıstanda becərilən narkotiki əldə saxlamaqla dünya narkotik bazarının böyük hissəsinə nəzarət etmək niyyətində olduğu görünür.

 

Günay Rəsulqızı