Mina xəritələrinin əldə edilməsi Azərbaycana bu üstünlükləri qazandırır - Açıqlama
13:02 / 05.07.2021
1739
"Xəritələrin əldə edilməsi işğaldan azad olunmuş ərazilərdə
bərpa və quruculuq işlərinin sürətlə aparılmasına şərait yaradacaq”.
Sfera.az bildirir ki, bunu deputat Ceyhun Məmmədovermənilər tərəfindən Füzuli və Zəngilan rayonlarında basdırılan təqribən 92 min
tank və piyada əleyhinə minalara dair xəritələrin Azərbaycana verilməsi ilə
bağlı danışarkən deyib.
Millət vəkili qeyd edib ki, artıq bölgədə ciddi
quruculuq işlərinə başlanılıb və qısa müddətdə bu ərazilərdə həyat öz axarına
qayıdacaq:
"Eyni zamanda, minaların xəritəsinin Azərbaycana
verilməsi onların aşkarlanması üçün sərf olunan xərclərin azaldılmasına gətirib
çıxaracaq. Burada ən vacib məsələlərdən biri də xəritələrin əldə edilməsinin
insan itkisinin qarşısının alınmasında əhəmiyyətli rol oynamasıdır. Son bir neçə
ayda 100-dən çox Azərbaycan vətəndaşı bu minaların qurbanına çevrilib. Çoxlu
sayda insan dünyasını dəyişib. Ermənistan bir müddət bundan əvvəl 15 əsir
qarşılığında Ağdamın xəritəsini Azərbaycana vermişdi. Füzuli və Zəngilanda 92 min mina xəritələrinin əldə olunması həmin
uğurun davamı hesab olunmalıdır.
Hazırda Ağdamdan sonra ən böyük infrastruktur layihələri
Füzuli rayonunda həyata keçirilir. Burada yeni hava limanı, dəmir yol xətləri və
avtomobil yolları inşa olunur. Bu baxımdan Füzuli xüsusi strateji əhəmiyyət kəsb edir.
Xəritələrin əldə olunması bu layihələrin daha tez zamanda icra
olunmasına öz ciddi töhfəsini verəcək”.
Deputat Vüqar Bayramov qeyd edib ki, mina xəritələrinin
təqdim olunması məskunlaşma prosesinin proqnozlaşdırıldığından daha qısa müddətə
rellaşmasına səbəb ola bilər:
Digər millət vəkili Bəhruz Məhərrəmov isə deyib ki, minalara dair xəritələri təqdim etməsi hər şeydən öncə Azərbaycan diplomatiyasının qələbəsidir:
"Ağdam, Füzuli və Zəngilan rayonlarında minalara
dair xəritələrin təqdim edilməsi həmçinin, başqa bir reallığı da ortaya
çıxarır. Məlumdur ki, Ağdam istiqamətində
xəritələrin verilməsinə qədər İrəvan onlarda belə bir xəritələrin olmadığını
iddia edirdi. Lakin, 3 istiqamətdə 200 minədək minanı əhatələyən xəritələrin
verilməsi Ermənistan hakimiyyətinin saxtakarlığını və 8 aydır ki, dünya
ictimaiyyətini aldatdığını ortaya çıxardı. Bu isə o deməkdir ki, rəsmi İrəvan
artıq onlarda minalanmış ərazilərin xəritələrinin olmadığı kimi absurd iddia irəli
sürə bilməyəcək və yaxın dövrlərdə ermənilər Cəbrayıl, Laçın, Kəlbəcər, Ağdərə,
Xocavənd və Xocalı istiqamətlərində də xəritələri verməyə məhkumdur”.
