Azərbaycanın təbliğatı üçün Cənubi Amerika ölkələrində hansı işlər görülür?
11:40 / 05.07.2021
1972
"Biz ispandilli ölkələrlə işlər aparırıq. Bu, sırf İspaniya və Latın Amerika qitəsidir. Onlarla həm televiziya, həm radio, eyni zamanda
müxtəlif xəbər portalları ilə əməkdaşlığımız zamanı ispan
dilində çıxışlar etməyə çalışırıq”.
Sfera.az bildirir ki, bunu Qafqaz – İberoamerika Düşüncə Mərkəzinin sədri Mahir QurbanovARB24 telekanalının "Gündəm” verilişində çıxışı zamanı deyib. O, Azərbaycanın təbliğatı üçün Cənubi Amerika ölkələrində görülən işlərdən söz açıb:
"Hər həftə müxtəlif ölkələrdə Azərbaycanla bağlı proqramlarımız
var. Ermənilər artıq illərlə bu işləri aparırdılar, buna
baxmayaraq, biz müharibədə və hazırda
diplomatiyada gücümüzü göstərmişik. Məsələn, bu yaxınlarda –
21-24 iyun tarixlərində Venesuelada böyük
bir konqres keçirmişdik – Dünya Xalqlarının
200 illik Konqresi. Orada 120 ölkə təmsilçisi iştirak edirdi və Qafqaz bölgəsindən isə təkcə Azərbaycan var idi. Biz orada müxtəlif kütləvi informasiya vasitələrində çıxışlar etdik, Qarabağla bağlı öz sözümüzü deyə bildik. Latın Amerikada erməni diasporu olsa da,
biz də geridə qalmırıq. Əsas prioritet KİV-lə sıx əməkdaşlıq aparmaqdır”.
İnci
