Bu azərbaycanlı zənginlərin bahalı yaxtaları var - Siyahı və yaxtaların qiymətləri
12:28 / 01.07.2021
6848
Yaxtalar demək olar ki, zəngin insan obrazının
ayrılmaz hissəsidir. Varlılar üçün yaxta sadəcə olaraq əyləncə
deyil, həmçinin onların statusunun göstəricisi kimi qəbul edilir. Əgər sənin dənizdə
əsaslı dayaqların yoxdursa, demək sən milyarder deyilsən.
Sfera.az-ın məlumatına görə, yaxtası olan azərbaycanlılar
da az deyil. Həmin şəxslərin siyahısını təqdim edirik. Beləliklə...
Azərbaycanlı
milyarder Vahid Ələkbərov – Milyarderin 70 metrlik
"Galactica Super Nova” superyaxtası 2021-ci ildə ən aktiv istifadə olunan yaxtalar
onluğuna girib. Yaxta yanvar-mart ayları
arasında 11 900 (22,039 km ) dəniz mili səyahət edib. "Galactica Super Nova” bu
dövrdə Aralıq dənizini, Atlantik okeanını və Karib dənizini gəzib.
"Lukoil” şirkətinin prezidenti Vahid Ələkbərov
50 metrlik "Galactica” yaxtasını 2016-cı ilin fevralında 19,5 milyon avroya
satıb. Bir ay sonra istifadəyə verilən yeni "Galactica Super Nova” yaxtası isə
cəmi 41 ayda elə milyarderin özünə məxsus Hollandiyanın "Heesen” gəmiqayırma
zavodunda tikilib. Yaxtanın təxmin edilən dəyəri 105 milyon dollardır.
Yaxta "Monaco Yacht Show 2016” müsabiqəsində
eyni anda iki mükafat: Ən yaxşı xarici və ən yaxşı yeni superyaxta
mükafatlarını qazanıb. Hazırda "Galactica Super Nova” dünyanın ən böyük
alüminium yaxtasıdır. Bundan əlavə yaxta 4000 dəniz mili məsafəsi ilə 30 düyün
sürətlə dünyanın ən sürətli yelkənli gəmilərindən biridir. Yaxtada 12 sərnişin
üçün altı kabin var, onlara 16 nəfərlik gəmi heyəti xidmət edir. Yaxtanın
dizaynı "Espen Oeino International” ixtisaslaşmış memarlıq agentliyi tərəfindən
həyata keçirilib, interyer hissəsi isə "Sinot Exclusive Yacht Design” agentliyi
tərəfindən hazırlanıb. Yaxtada helikopter meydançası, şəlalə, cakkuzi və təbii
gün işığı ilə işıqlandırılan hovuz var. "Galactica Super Nova”nı fərqləndirən digər
bir xüsusiyyəti, gəminin bütün göyərtələrini birləşdirən kristal bir lift və
spiral pilləkənin olmasıdır. Göyərtlərin ümumi sahəsi 357 kv. m təşkil edir.
Milyarder
Fərhad Əhmədov - "Luna" adlı yaxtası məşhurdur. Sözügedən
yaxta 2010-cu ildə Roman Abramoviç üçün tikilib və 2014-cü ildə 225 milyon funt
sterlinqə Əhmədova satılıb. Yaxtada üzgüçülük hovuzu, mini dənizaltı, 6 sürət
qayığı, doqquz göyərtə, iki helikopter meydançası var. Onun şüşələri güllə
keçirtmir, hər növ raketə qarşı müdafiə sistemi var. "Luna" adlı
yaxta saatda 30 mil sürətlə hərəkət edir.
Azərbaycanlı
milyarder, "Palmali" şirkətlər qrupunun sahibi Mübariz Mənsimov -
Türkiyədə Profilo Holdinqin sahibi Cefi Kemhidən 2011-ci ildə 42 milyon dollara
satın aldığı Bodrum Yalıkavak yaxta limanına 100 milyon dollar əlavə
investisiya qoyaraq, 2013-cü ilin iyununda "Palmarina” limanını genişləndirib
istifadəyə verdi.
Limanın yaxta tutumu 2 dəfə artırılaraq 710 yaxtaya
çıxarıldı. "Palmarina Bodrum" Türkiyədə eni 10.5 metr, su tutumu 260 tona
qədər olan meqayaxtalar üçün dayanacaq təklif edən yeganə turizm kompleksidir.
Zənginlər öz nəhəng yaxtalarını Mənsimovun kompleksində xüsusi olaraq nəzərdə
tutulmuş yaxta dayancağında park edə, üstəlik qış aylarında yaxtalarının orada
qalmasına görə endirim əldə edə bilərlər.
Bu limanda uzunluğu 40 metrdən çox
olan 70-ə qədər böyük yaxtanın lövbər salması mümkündür. Mənsimovun yaxta
dayanacağında bir neçə meqa yaxta lövbər salıb və onun sahibləri quruya çıxaraq
Bodrumda istirahət edirlər. Qeyd edək ki, Mənsimov limanla yanaşı, həm də
yaxtalar sahibidir.
Azərbaycanlı
milyarder Zarah İliyev - 1966-cı il sentyabrın 8-də Quba
yaxınlığındakı Qırmızı qəsəbədə anadan olan, Rusiyada fəaliyyət göstərən iş
adamının yaxtalar sahibi olduğu deyilir. Son məlumatlara görə, İliyevin 7
yaxtası var.
Keçmiş nəqliyyat
naziri, məşhur oliqarx-məmur Ziya Məmmədov da yaxtalara
marağı ilə məşhur idi. Onun hələ tikintisi 2012-ci ildə başlanan, 2013-cü ildə
isə yekunlaşan villasının zirzəmisində şəxsi yaxtanın yön alması üçün xüsusi
qarajı var idi.
Məmmədovun həmçinin Bakının Şüvəlan qəsəbəsində, Xəzərin
sahilində təxminən 7 hektarlıq ərazidə dəbdəbəli 1 ədəd iri malikanə və 4 ədəd
ayrı villaları mövcuddur. Bu villalarda onun övladları, qardaşı və qardaşı
uşaqları dincəlirlər. Ərazidə böyük hovuz, süni göl, dəniz suyundan ayrılan
kiçik göl, yaxta limanı və futbol meydançası var.
Eyni zamanda onun Türkiyə və
digər ölkələrdə də yaxtalarının olduğu bildilir. Nazirin oğlu, iş adamı Anar Məmmədov
da atası kimi yaxta sahibidir. Hətta o, Türkiyədəki "Only One” adlı
yaxtasını nə az, nə çox düz 19 milyon avroya satışa qoymuşdu. Məlumata görə,
sözügedən yaxta A.Məmmədovun Londondakı şirkətinə aiddir. Bütöv adı
"Baglietto Only One” adlanan yaxtanın satış elanı "M Blue Yacht”da
yerləşdirilib. Yaxtada əyləncə, idman zalları olmaqla 5 otaq mövcuddur.
Bunlarla yanaşı, Araz Ağalarov, İsgəndər Xəlilov və başqa azərbaycanlı milyarderlərin
də yaxta sahibi olduqları heç kimə sirr deyil.
Sfera.az
