Qvatemala “Sputnik V” vaksininə görə Rusiyaya ödədiyi pulu geri istəyir - QALMAQAL
13:16 / 30.06.2021
1487
Rusiya Birbaşa İnvestisiya Fondu Qvatemalanın
"Sputnik V” ilə bağlı iddialarını cavablandırıb.
Sfera.az-ın məlumatına görə, Rusiya Birbaşa
İnvestisiya Fondunun (RBİF) nümayəndəsi bildirib ki, Moskva vəd edilmiş
"Sputnik V” partiyasını Qvatemalaya göndərəcək.
"Vaksinlə dolu təyyarə bu həftə ünvan başına
çatmalıdır. Vaksin yüklü başqa bir təyyarə isə müqavilə öhdəliklərinin yerinə
yetirilməsi çərçivəsində gələn həftənin əvvəlində Qvatemalada eniş edəcək",
- deyə o, sözügedən Latın Amerikası ölkəsi
hakimiyyətinin vaksinin çatdırılmasına dair bəyanatını cavablandırıb.
Qeyd edək ki, ötən gün Qvatemalanın Səhiyyə Naziri Amelia Flores millət vəkilləri
ilə görüşdə bildirib ki, müqavilələrin şərtlərini pozduğuna görə Rusiyanın "Sputnik V” vaksininə görə ödənilən vəsaiti geri
qaytarmasına nail olmağa çalışır. Jurnalist Andrea Dominqes həmin söhbətin qeydini Twitter-də yayımlayıb.
İndiyə qədər Rusiya
peyvəndinin əvvəlcədən ödənilmiş dozalarının ümumi sayının yalnız kiçik
bir hissəsi respublikaya gətirilib. Konqresmenlərlə görüşdə iştirak edən xarici
işlər naziri Pedro Brolo Vila tərəflərin "Sputnik V” ilə bağlı müqaviləyə yenidən
baxılmasına dair danışıqlar aparıldığını qeyd edib. Məqsəd sözügedən müqaviləyə
bir komponentli "Sputnik Layt” ı da daxil etməkdir.
Selcan
Sfera.az
