Slavyan Universitetinin gələcək taleyi necə olmalıdır? – Kamran Əsədovdan açıqlama
Təhsil
16:21 / 23.06.2021
1654
"Slavyan Universitetində bəzi ixtisasları ixtisar
etməliyik. Digər tərəfdən, bu universitet özəl tədris müəssisəsi kimi fəaliyyət
göstərməlidir”
Bu sözləri Sfera.az-a açıqlamasında sosial şəbəkələrdə
səslənən Slavyan Universitetinin Dillər Universitetinə birləşdirilməsi təklifinə
münasibət bildirərkən, təhsil eksperti Kamran Əsədov deyib.
Ekspert hesab edir ki, belə birləşdirmələrlə təhsildə keyfiyyət dəyişikliyinə
nail ola bilməyəcəyik, odur ki, birləşmədənsə bəzi ixtisaslar ləğv edilməlidir: "Bu gün Slavyan
Universitetində tədris edilən elə ixtisaslar var ki, onların bağlanması
vacibdir. Bu universitet sadəcə rusdilli kontingent üçün və slavyan ölkələrində
çalışmaq üçün diplomatik kadrlar hazırlamalıdır. Amma burada azərbaycan dili və
ədəbiyyatı, ingilis dili, fransız dili ixtisasları da tədris edilir, bunlar
olmamalıdır. Bu ixtisaslar üzrə Bakı Dövlət Universitetilə Pedoqoji Universitet
kadr hazırlayır”.
K. Əsədov qeyd etdi ki, təklif edilən birləşmə idarəetmə
baxımından mobillik, çeviklik yaradacaq. Buna baxmayaraq, keyfiyyət göstəricisinin
əldə edilməsi mümkün olmayacaq.
Rüfət SULTAN
