Bakıda yaşayış binasındakı yanğın söndürüldü - VİDEO/YENİLƏNDİ
22:30 / 21.06.2021
4219
21:28
Bu dəqiqələrdə Bakıda yeni tikili binada mənzil yanır.
Sfera.az xəbər verir ki, hadisə Yeni Yasamal ərazisində baş verib.
Hazırda həmin əraziyə yanğınsöndürmə briqadalarının cəlb olunması işi aparılır.
***
Bakı şəhəri, Yasamal rayonu, Əsəd Əhmədov küçəsi 41 ünvanında çoxmərtəbəli yaşayış binasının 8-ci mərtəbəsindəki mənzildə yanğın olub.
Sfera.az xəbər verir ki, bu barədə FHN məlumat yayıb.
Bildirilib ki, nazirliyin Dövlət Yanğından Mühafizə Xidmətinin yanğından mühafizə bölmələri və Xüsusi Riskli Xilasetmə Xidmətinin müvafiq xilasetmə qüvvələri yanğın baş verdiyi ünvana cəlb olunub.
İlkin məlumata görə, həyata keçirilən operativ və təxirəsalınmaz tədbirlər nəticəsində təqribən 80 nəfər bina sakini təhlükəsiz əraziyə təxliyyə olunub. Yanğınsöndürmə işləri davam etdirilir.
***
Bakı şəhəri, Yasamal rayonu, Əsəd Əhmədov küçəsi ünvanında çoxmərtəbəli yaşayış binasındakı yanğın Fövqəladə Hallar Nazirliyinin Dövlət Yanğından Mühafizə Xidmətinin yanğından mühafizə bölmələrinin çevik müdaxiləsi nəticəsində qısa müddət ərzində məhdudlaşdırılaraq saat 21:36-da söndürülüb.
