E. Mirbəşiroğlu ikitərəfli təmasın yaranması üçün başlıca şərti də diqtə etdi: "Ermənistan Azərbaycan ərazisində basdırdığı minaların xəritəsini təqdim etməlidir. Bu olmazsa, sözügedən humanitar məsələni kənar vasitəçilər olmadan, ikitərəfli müstəvidə həll etmək hələ də mümkünsüz olaraq qalacaq. Reallıq odur ki, Ermənistan yenə də özünü qeyri-konstruktiv aparır.  Belə davam edəcəyi təqdirdə, humanitar məsələdə növbəti addımların atılması üçün də vasitəçilərə ehtiyac duyulacaq.  Azərbaycan Prezidenti dəfələrlə müxtəlif ölkə və təşkilatlara Ermənistanın minalanmış ərazilərin xəritəsini verməsinin vacibliyini çatdırıb və bu istiqamətdə İrəvana təsir göstərilməsini istəyib.  Ancaq görünən odur ki, Ermənistan seçki öncəsi özünü müəyən dairələrin simasında revanşist obrazında aparmaqda davam edir.  Buna baxmayaraq aydın dərk edirlər ki, Azərbaycan gücü vasitəsilə Ermənistanı bu istiqamətdə sonadək bütün addımları atmağa məcbur edəcək”.