"Türkiyə ciddi anlaşmazlıqlar yaşadığımız NATO tərəfdaşıdır" - Ağ Evin sözçüsü Bayden-Ərdoğan görüşünün detallarını açdı
10:27 / 10.06.2021
1584
"Bayden-Ərdoğan görüşü qarşılıqlı diplomatiya üçün fürsət olacaq”.
Sfera.az bildirir ki, bunu Ağ Evin sözçüsü Jen Psaki jurnalistlərin suallarını cavablandırarkən deyib. O bildirib ki, ABŞ prezidenti xaricdə ilk ziyarət proqramında Türkiyə prezidenti Ərdoğanla görüşə önəm verib.
"Türkiyə konstruktiv şəkildə çalışmağa davam etməli olduğumuz, eyni zamanda ciddi anlaşılmazlıqların yaşandığı NATO tərəfdaşıdır”, - deyə Psaki bildirib.
Ağ ev sözçüsü həmçinin görüşdə hansı mövzuların müzakirə ediləcəyindən də söz açıb:
"Əminəm ki, regional təhlükəsizlik məsələlərini müzakirə edəcəklər. Eyni zamanda COVİD-19, iqtisadi məsələlər bu mövzular arasında olacaq. Görüş vaxtı yaxınlaşdıqca daha çox təfərrüata sahib olacağıq".
Qeyd edək ki, ABŞ prezidenti Cozef Bayden iyunun 14-də baş tutacaq NATO sammitində Türkiyə Prezidenti Rəcəb Tayyib Ərdoğanla görüşəcək.
Günay
Sfera.az
