Rusiya ərzaq ixracını azaldır: Azərbaycanda əmtəə qiymətləri yüksələcək

Sfera.az "Bloomberg” saytına istinadən xəbər verir ki, nazir Rusiyada əsas qida məhsullarından olan şəkər və unun bahalaşmasından sonra belə bir fikri səsləndirib. Reşetnikov söyləyib ki, qlobal ərzaq qiymətlərinin sabitləşdiyinə və ən yüksək həddə çatdığına dair zəmanət yoxdur. Məhsul istehsalı ilə bağlı hər hansı bir xəbərin yenidən qiymətləri artıracağını deyən Reşetnikov hesab edir ki, bəzi qida məhsulları üçün yenidən qiymət artımlarının olması mümkündür:

 

"Bu səbəbdən kənd təsərrüfatı məhsullarının bazarı daim izlənilir və lazım olduqda bəzi tədbirlər görürük. Həmin tədbirlər yerli məhsul istehsalçılarını qorumaqla bərabər, qida məhsullarının ixracını ən yaxşı şəkildə dəstəklənməsinə imkan yaradır”.

Reşetnikov, gələcəkdə həyata keçiriləcək hər hansı bir ticarət tədbirinin əlavə vergilərin tətbiq edilməsi şəklində olacağını söyləyib.

Qeyd edək ki, qlobal ərzaq qiymətləri indeksi davamlı artmaqdadır. Qiymət səviyyəsi bu ilin mayında əvvəlki ilə nisbətən 40 yüksəlib. Hazırkı qiymət səviyyəsi son 10 ilin ən yüksək səviyyəsi hesab edilir. 

Bahalaşma ilə əlaqədar Rusiyada ötən ilin dekabrından bəzi əsas ərzaq məhsullarına müvəqqəti ixrac vergiləri və ya rüsumları tətbiq edilir. Bu ilin əvvəlində buğda ixracı kvotası elan olunub. 

Rusiyanın tətbiq etdiyi rüsum və vergilərdən həmin məhsulları idxal edən ölkələr əziyyət çəkir. Azərbaycan da bir çox qida məhsulunu Rusiyadan alır. Buna görə də rüsum və vergilərin artırılması Azərbaycanda əmtəə qiymətlərinin yüksəlməsinə səbəb olur.