Beş ildən sonra benzin və dizeldən imtina edəcəyik? – “Elektromobillər gəlir...”
17:23 / 03.06.2021
3354
"Dünyada avtomobil sənayesində benzin və dizel
yanacağından imtina prosesi gedir. Artıq hibrid, elektromobil avtomobillərə
üstünlük verilir”.
Bunu Sfera.az-a açıqlamasında avtomobil bazarı üzrə ekspert Eldəniz Cəfər
deyib. O bildirib ki, qarşıdan gələn 5 il ərzində elekriklə çalışan avtomobillərin
sayı artacaq:
"Ən çox inkişaf etmiş ölkələrdə demək olar ki,
benzin və dizellə idarə olunan avtomobillərin istehsalı tamamilə
dayandırılacaq. Əlbəttə, bu zaman benzinə
tələb azalacaq. Belə olan halda, nə qədər paradoksal olsa da, benzinin qiyməti
yüksəlməyə başlayacaq. Benzin istehsal edən iri şirkətlər xərclərini, məsrəflərini
ödəmək üçün bu addımı atacaqlar”.
Qeyd edək ki, ötən gün Aİ-95 markalı benzinin
qiyməti qalxaraq 1.40 manat olub.
Günay Rəsulqızı
