Aİ-95 markalı benzinin bahalaşması iqtisadiyyata necə təsir edəcək? – “Ciddi fəsadları olmayacaq”
12:34 / 02.06.2021
1920
"Aİ-95 markalı benzinin bahalaşmasının isə təsirləri
dizel və Aİ-92 kimi olacağını düşünmürəm. Bu sinifdən olan yanacaq kateqoriyası
daha çox yeni model minik avtomobillərində istifadə edilir ki, bunun da
istehsal prosesləri ilə bağlılığı Aİ-92 ilə müqayisə edilməz dərəcədə azdır. Buna
görə də sözügedən artımın iqtisadiyyata ciddi fəsadlar verəcəyini demək olmaz".
Bunu Sfera.az-a açıqlamasında,
iqtisadçı ekspert Eldəniz Əmirov bildirib.
Ekspert narahatlığa əsas olmadığını deyir: "Dizel
və Aİ-92 markalı benzinin bahalaşması ölkə iqtisadiyyatı üçün daha ağrılı
proses idi. Çünki, dizel yanacagının qiyməti birbaşa kənd təsərrüfatı məhsullarının
maya dəyərinin formalaşmasında böyük rol oynayır. Buna görə də bu, kənd təssərüfatı
məhsullarının qiymətinin artmasına öz mənfi təsirini göstərdi. Bu həm də
logistik fəaliyyətlər zamanı da fəsadlar, qiymət artımlarına səbəb oldu. Aİ-92
markalı benzinin bahalaşması da buna bənzər təsirlər yaratdı. İstər sərnişin daşınmasında,
istər də yük daşımasında qiymət fərqlərini ortaya çıxardı.
Ekspert qiymət artımının səbəblərini izah edib. İqtisadçı
karantin rejiminin yumşalmasının qiymətlərə mümkün təsirindən danışıb: "Yeri gəlmişkən dizel, Aİ-92 və Aİ-95 markalı
benzinlərin qiymət formalaşma prosesləri arasındakı fərqlərə də toxunmaq istəyirəm.
Belə ki, Aİ-92 benzinindən, eləcə də dizeldən fərqli olaraq premium və super
markalı benzinlər ölkəmizə idxal olunur. Buna görə də bu məhsulların qiymətləri
istehsalçı ölkələrin təklif etdiyi bazar şərtlərindən – qiymətlərdən asılıdır və
bu qiymətlər dünya bazarlarındakı neft və neft məhsullarının qiymətinə uyğun
olaraq dəyişir. Amma Aİ-92 və dizel yerli istehsal olduğundan qiymətləri dövlət
tərəfindən tənzimlənən qiymətlər kateqoriyasına aiddir”.
Sfera.az
