Qızıl 2 ayda 7 dollar bahalaşdı
10:30 / 01.06.2021
1977
Qızılın dəyərində 2021-ci ilin aprelindən müşahidə edilən bahalaşma davam edir.
Bu gün beynəlxalq birjalarda qızılın troyan unsiyasının (31,1 qram) qiyməti 1915 dolları ötüb. Mövcud qiymət səviyyəsi iki ay əvvəl qeydə alınan qiymətlərdən 13 faiz yüksəkdir.
Sfera.az bildirir ki, qiymət artımını qram qızılın dəyərində baş verən dəyişiklikdə daha aydın görmək olur. Müqayisə edilən 2 aylıq dövrdə qızılın qramının qiyməti 54 dollardan 61,5 dollara kimi yüksəlib. Bir qram qızılın dəyərində 7 dollardan çox artım olub.
Qızılın bahalaşmasına bir neçə amil təsir edir. Onların arasında mərkəzi bankların qızıl alışını artırması, monetar genişləndirmə, dolların bir qədər ucuzlaşması kimi səbəblər önə çıxır.
Vasif
Sfera.az
