Xəbər verdiyimiz kimi, iyunun 4-də tənəffüs yollarında yaranmış problemə görə vəfat edən boksçu Məhəmməd Əlinin ABŞ-ın Kentukki ştatının Luisvill şəhərində cənazə namazı qılınıb.

Sfera.az qafqazinfo-ya istinadən bildirir ki, "Freedom Hall"da keçirilən mərasimə prezident Rəcəb Tayyib Ərdoğan xanımı Əminə Ərdoğan və kürəkəni, energetika naziri Berat Albayraqla qatılaraq namaz qılıb və dua ediblər.

74 yaşında dünyasını dəyişən əfsanəvi boksçunun cənazə namazını ABŞ-da müsəlman toplumunun öndərlərindən biri olan İmam Zaid Şakir qıldırıb.

Qeyd edək ki, məhəmməd Əli iyunun 10-da "Cave Hill" qəbristanlığında dəfn olunacaq. Dəfn mərasimində ABŞ-ın eks-prezidenti Bill Klinton da çıxış edəcək.