“COVİD-19-la mübarizədə həyatını itirmiş tibb işçilərinin ailələrinə kompensasiya ödənilməyib”
14:52 / 20.05.2021
2137
"Belə davam edərsə, qarşıdakı illərdə ciddi
tibbi kadr çatışmazlığı ilə qarşılaşacağıq. Tibb işçilərinin sığorta əlavələri
verilmir, COVİD-19-la bağlı əlavələr ödənilmir”.
Sfera.az-ın məlumatına görə, bunu Azərbaycan Həkimləri
İctimai Birliyinin sədr müavini, həkim-radioloq Aydın Əliyev deyib.
O həmçinin qeyd edib ki, COVİD-19-la mübarizədə
həyatını itirən tibb işçilərinin ailələrinə heç bir kompensasiya ödənilməyib,
xatirələri əbədiləşdirilməyib, o cümlədən ailə üzvlərinə quru başsağlığı belə
verilməyib: "Tibb işçiləri bütün sosial qayğılardan məhrumdurlar.
Üstəgəl sertifikasiya hoqqası...
20-30 il eyni vəzifələrdə işləyən məmurlar heç
sertifikasiya edilmir, sanki gecə yatanda onlar vəhy yolu ilə təkmilləşirlər.Məzlum
tibb işçiləri isə cüzi gəlir qarşısında hətta mənasız suallarla dolu olan
sertifikasiya imtahanı da verməlidir. Artıq abituriyentlərin içərisində tibb sahəsinə
yönələnlərin sayı azalır. Yönələnlər də xarici ölkələrə üz tutmağı
planlaşdırırlar. Fəhlə belə günü 30 manatdan aşağı işləmir, bu isə, ayda təqribən
900 manat edir. Həkimin aylıq maaşı isə təqribən 350 manatdır”.
Günay
