Türkiyə mətbuatı Bayramın ölümündən yazdı
Cəmiyyət
20:11 / 05.05.2021
6596
Türkiyə mətbuatı da İstanbulda vəfat edən NİDA-çı gənc Bayram Məmmədovun ölüm hadisəsindən yazıb.
Sfera.az xəbər verir ki, "Sabah" nəşrinin yaydığı məlumata görə, hadisə İstanbulun Kadıköy rayonu ərazisində qeydə alınıb.
Məlumata görə, 25 yaşlı ictimai fəal dənizə düşən başmaqlarını götürmək üçün suya enən zaman boğulub. Məlumatda mərhumun üzə bilməməsi də qeyd olunub.
Hadisə mayın 2-də baş verib. Qeyd olunub ki, xilasetmə işləri aparan əməkdaşlar onun cansız cəsədini Haydarpaşa ərazisində tapıb. Azərbaycanlı gəncin ölümündən sonra Kadıköy rayon polis şöbəsinə gələn Bayramın dostu onun iki gündür itkin düşdüyünü bildirib. Polisin göstərdiyi fotodan itkin düşən şəxsin Bayram olduğu təsdiqlənib.
