Qərbin sanksiyaları Rusiyaya nə qədər ziyan vurub? – Zaxarova milyardlarla dollardan danışdı
16:58 / 04.05.2021
6050
Rusiya Xarici İşlər Nazirliyinin sözçüsü
Mariya Zaxarova Qərbin sanksiyalarının ölkə iqtisadiyyatına təsirini qiymətləndirib.
Onun sözlərinə görə, dəyən ziyanla bağlı fərqli məlumatlar var.
Sfera.az xəbər verir ki, diplomat bu barədə
mayın 4-də RT-yə verdiyi müsahibəsində danışıb.
"Qarşılıqlı sanksiya təzyiqlərinin artması həm
Rusiya, həm də Qərb iqtisadiyyatına eyni dərəcədə mənfi təsir göstərir.
Qarşılıqlı zərərin təxminləri dəyişir və subyektivdir, amma zərər yüz
milyardlarla dollar təşkil edir. Bu şərtlərdə, milli iqtisadiyyatın və yerli
iqtisadi operatorların inkişaf maraqlarını rəhbər tutaraq, məhdudiyyətlərə təsdiqlənmiş
və adekvat bir şəkildə cavab verməyə davam edirik ”,- deyə Rusiya xarici siyasət
idarəsinin nümayəndəsi bildirib.
Zaxarova Kremlin məhdudlaşdırmalara cavab
olaraq tətbiq etdiyi iqtisadi tədbirləri xatırladaraq, antirusiya
sanksiyalarının tətbiqini elan edən ölkələrdən bəzi ərzaq məhsullarının
idxalına hələ də məhdudiyyətlər qoyulduğunu vurğulayıb. Xarici İşlər
Nazirliyinin nümayəndəsi, həmçinin "milli maliyyə sisteminin gücləndirilməsi"
barədə də danışıb.
"Bir çox cəhətdən xarici təzyiqlərə uyğunlaşmağı,
vəziyyəti öz xeyrimizə dəyişdirməyi, idxalı əvəzetmə proqramlarını həyata
keçirməyi və daxili iqtisadiyyatın perspektivli və rəqabətədavamlı sahələrini inkişaf etdirməyi bacardıq",-
deyə Zaxarova fikrini yekunlaşdırıb.
Selcan
Sfera.az
